قصيدة شاب تسبب في وفاة امه ؟؟؟!! محزنه جدا !!

السلام عليكم و رحمة الله و بركاته


حبيت انقل لكم قصيده


يواسيني وانا الميت

قصيدة كتبها شاب عمل حادث سيارة و والدته كانت معاه .. الوالدة توفت و هو اصابته كانت خفيفة .. و هذي الأبيات قالها للي يواسونه




يواسيني وانا الميت وحالي يجبر الدمعات تسيل من الذي فينـي ويبكـي وهـو يواسينـي

وانا ابكي واتنهد وارسم بالحزن لوحات يجبروني عشان امشـي ورجلـي مـا تمشينـي

قتلت رعايتي بيدي قتلت الحب والرحمات حرمت النفس من حقها وانـا ابكيهـا وتبكينـي

وكنه حلم قدامي يقيدني من الصرخات ابي اصحى ولكني عجـزت القـى ال يصحينـي

فداك القلب يايمه ومهما قلت من كلمات صغيره في كبـر حقـك بـس اتمنـى تعذرينـي

نهبت الفرح من بيتي صحيح اني خسيس الذات صحيح اني ولد طايش وكل ما أسمعه فيني

تجول عيونهم فيني تفصل مني قياسات وتشيـح وجوههـم عنـي وكنـي غيـرت دينـي

يظنوا حزنهم اكبر وهم اصحاب هالمأساة وانا اتحدى اذا فيهم ربع مـا يحتـرق فينـي

نقص قدري بعد موتك وغابت نشـوة اللذات وصـار الهـم عكـازي اباكيـه ويباكينـي

عطيتيني بدون حساب ولا سمعتك تقولي هات وانا اشرب حيل من دمك ودمك ما يكفينـي

يايمه ارجعي كافي ابجلس معك لو لحظات واقبل ايدك ورجلك وافرش لك رمش عينـي

يايمه ما تحملهم يقولوا فات ما قد مات تعالي غيـري هالقـول واطيعـك باقـي سنينـي

واترك عادة التدخين وانفذ ما تبي بسكات واصلي الفجر في المسجد قبل منتي تصحينـي

يايمه ارجعي تكفين وطفي شمعة الآهات ابيك انتـي ولا غيـرك علـى موتـك تعزينـي

وضميني وداويني مثل ما كانت الهقوات ما ابي احدن يواسينـي ابيـك انتـي تواسينـي

دخيلك بـس لا تبكـي اذا شفتـي بـي الدمعات انـا مقـوى ابكيـك اذا انتـي تبكينـي

رائع جدا

ومؤثر


بارك الله فيك ووفقك لما هو خير

شكرا على هذا التميز والتفاعل

قصيدة رائعه ومؤثرة جدا
مشكور الجارح
وربي يعافيك

تحيتي
زعبولة الاولى